ՈՒՂԻՂ ՄԻԱՑՈՒՄ. Քիմ Քարդաշյանը ժամանում է հյուրանոց

Քիմ Քարդաշյանն ու Քորթնի Քարդաշյանը ժամանել են Հայաստան, սակայն նրանք օդանավակայանից դուրս են եկել ոչ թե VIP սրահով, այլ նախագահական սրահով։ Այս մասին «Զվարթնոց» օդանավակայանում՝ VIP սրահում, Քարդաշյանների այցի լուսաբանման համար սպասող լրագրողներին ասաց WCIT ծրագրի ղեկավար Սյուզաննա Ազոյանը:

«Որևէ խնդիր չկար, որ այս սրահով դուրս չեկան, պարզապես նրանք պատրաստ չէին այս սրահով անցնելու։ Քույրերը յոթ երեխաների հետ են եկել Հայաստան, երեխաները քնած էին, դրա համար նրանք վերջին պահին որոշել են դուրս գալ նախագահական մուտքից»։

Սյուզաննա Ազոյանն ասաց, որ վաղը WCIT 2019-ի միջոցառումներին Քիմ Քարդաշյանը չի մասնակցելու, զեկույցով հանդես է գալու հոկտեմբերի 8-ին, ժամը 11։15-ին։

Ինչ վերաբերում է վաղվա օրակարգին, ապա Ազոյանն ասաց, որ տեղեկություն չունի, թե անձնական ինչ օրակարգ ունեն Քարդաշյանները։

Այս պահին ուղիղ միացում այն հյուրանոցի տարածքից, որտեղ կգիշերի Քիմը:

Հիշեցնենք, որ ամերիկահայ հեռուստաաստղ Քիմ Քարդաշյանը՝ քրոջ Քորթնիի հետ ժամանում է Հայաստան՝ մասնակցելու Երևանում հոկտեմբերի 6-9-ը անցկացվելիք «Տեղեկատվական տեխնոլոգիաների համաշխարհային համաժողով-2019»-ին:

Понравилась статья? Поделиться с друзьями:
LIVING STORIES