«Մարդը վախտին ասում էր էլի՝ Նիկոլը մեր ախպերնա». ինչպես են մեկնաբանում Փաշինյանի այցը «Ալեքս» տեքստիլ

Վարչապետ Նիկոլ Փաշինյանը Երեւանում ներկա է գտնվել հագուստի արտադրության նոր ֆաբրիկաների բացման արարողությանը: Մեկ մասնաշենքում գործունեություն են ծավալելու «Ալեքս տեքստիլ», «Սարտեքս» «Ասա Գարմենտ» ապրանքանիշերի կարի ֆաբրիկաները:

Վարչապետը շրջայց է կատարել արտադրամասերում, ծանոթացել արտադրական գործունեությանն ու տեսականուն: Գործադիրի ղեկավարը ողջունել է թեթեւ արդյունաբերության ոլորտում նոր ներդրումային ծրագրերի իրականացումը եւ նշել, որ ՀՀ կառավարությունը պատրաստ է իր գործիքակազմերի շրջանակում աջակցել ոլորտի զարգացմանն ու առաջընթացին:

Ընդհանուր առմամբ, կարի արտադրամասերում ներկայում ստեղծվել է 1000 նոր աշխատատեղ, սակայն առաջիկայում այդ թիվը նախատեսվում է հասցնել 3 հազարի: Ֆաբրիկաներում արտադրվելու են բաճկոններ, կաշվի կտոր, գործված հագուստ:

«Սարտեքս» ֆաբրիկան ​​ստեղծվել է «Ալեքս տեքստիլ» -ի եւ իտալական «Սարտիս» ընկերության համագործակցությամբ, որը զբաղվում է հայտնի MaxMara, Moncler, Peuterey, Dolce & Gabana, Dainese եւ այլ հանրահայտ բրենդների հագուստի արտադրությամբ:

Երեւանյան արտադրանքն ամբողջությամբ արտահանվելու է Իտալիա: «Ալեքս տեքստիլ» -ը համագործակցում է նաեւ Չինաստանում բրենդային վերնահագուստ արտադրող խոշորագույն ընկերություններից մեկի հետ: Համագործակցության արդյունքում արտադրված ամբողջ տեսականին եւս արտահանվելու է արտերկիր:

2020 թվականին «Ալեքս տեքստիլ» -ը նախատեսում է Արտաշատում բացել տնային տեքստիլի եւ սրբիչի արտադրություն, ինչպես նաեւ եւս մեկ կարի ֆաբրիկա: Ընդհանուր առմամբ նախատեսվում է ստեղծել եւս 1500 նոր աշխատատեղ:

Եվ ահա, համացանցում բազմաթիվ մեկնաբանություններ են հայտնվել այս առիթով: Շատերը դրական են գնահատում այս այցը, բայց նաև կան մարդիկ, ում համար սա անընդունելի քայլ է:

Հայտնի հեղափոխական ակտիվիստ Արամ Մանուկյանը իր էջում տեղադրել է հետևյալ լուսանկարը ու մակագրել. «Նորմալա, չեմ զարմանում էս տեսարանից»:

Մեկնաբանություններում էլ ավելացրել.

Понравилась статья? Поделиться с друзьями:
LIVING STORIES