Ինչո՞ւ է կապել երեխայի բերանը, նետել աղբանոց ու վրան աղբ լցրել․ երեխայի մայրը ցուցմունք է տվել

Շիրակի մարզի դատախազ Կարեն Գաբրիելյանը որոշակի մանրամասներ է ներկայացրել՝ երեկ Գյումրիում տեղի ունեցած սարսափելի դեպքի վերաբերյալ:

Հիշեցնենք, որ Շիրակի դատախազի տեղեկացմամբ, 1,5 տարեկան աղջկա դիակի վրա, արտաքին զննությամբ, տեսանելի վնասվածքներ չեն եղել, սակայն ձեռքերն ու ոտքերը կապված են եղել կպչուն ժապավենով։

Դատախազն ասել է, որ իր հանձնարարությամբ հարուցվել է քրեական գործ՝ ՀՀ քրեական օրենսգրքի 104 հոդվածի հատկանիշներով, այն է՝ սպանություն կատարելը և նույն հոդվածով նախատեսված հանցագործության կատարման կասկածանքով հանձարարել է ձերբակալել երեխայի մորը։

«Ձեռք բերված փաստական տվյալներով հիմնավորվել է, որ մայրն է կապել երեխայի ոտքերն ու ձեռքերը կպչուն ժապավենով, բերանի հատվածում մտցրել է շոր, նետել է աղբանոց՝ վրան լցնելով աղբ։

Եվ պատճառաբանել է, որ նշված արարքը կատարել է՝ գտնվելով սոցիալապես վատ վիճակում, երեխային չկարողանալով կերակրել», -ասել է դատախազը։

Մայրը առողջական խնդիրներ չունի, հաշվառված չէ հոգեկան առողջության կենտրոնում։

Մայրը  Գյումրիի «Մուշ» թաղամասի բնակիչ է՝ ծնված 1999 թվականին, ամուսնալուծված է։  Մայրը երեխային աղբաման է նետել կենդանի վիճակում։

Понравилась статья? Поделиться с друзьями:
LIVING STORIES