Եվ նույնիսկ տորթի կարիք չկա… իմանալով այս պարզ թխվածքի բաղադրատոմսը՝ դադարել եմ տորթեր թխել

Ամենաանուշաբույր թխվածքը, որ երբևէ փորձել եք: Համեղ, փափուկ ու անթերի… այսպես կարելի է նկարագրել այն: 

Պատրաստվում է հասարակ ու պարզ բաղադրիչներից, և անկասկած, դուր կգա բոլորին:

Անհրաժեշտ բաղադրիչներ.

  • ձու՝ 3 հատ
  • շաքարավազ՝ 150 գ
  • վանիլին
  • փխրեցուցիչ՝ 1 տուփ
  • կաթ՝ 200 մլ
  • կարագ հալացրած՝ 50 գ
  • ալյուր՝ մոտ 350 գ

Կրեմի համար.

  • կաթ՝ 500 մլ
  • ձու՝ 2 հատ
  • շաքարավազ՝ 2 – 3 ճ.գ.
  • խնձոր՝ 2 հատ

Պատրաստման եղանակ.

Ձուն միացնել շաքարավազի և վանիլինի հետ: Հարել՝ մինչ փքուն ու խիտ զանգված կստացվի:

Ավելացնել կաթն ու հալացրած կարագը, խառնել: Լցնել մաղած ալյուրն ու փխրեցուցիչը, հարել՝ մինչ խտանալը:

Կրեմ. Ձուն միացնել կրախմալի ու շաքարավազի, նաև կաթի հետ, դնել թույլ կրակի վրա: Եփել այնքան, որ խտանա: Հանել կրակից ու թողնել, որ սառի:

Տապակը ծածկել յուղաթղթով, խմորը լցնել մեջը, գեղեցիկ դասավորել առանց կեղևի մանր կտրատած խնձորը:

Լցնել կրեմը և հավասարաչափ բաշխել ամբողջ մակերեսին:

Թխել 180 ջերմաստիճանի ներքո՝ 30 – 40 րոպե, նախապես տաքացրած ջեռոցում:

Երբ այն սառի, հանել տապակից, ցանկության դեպքում շաքարի փոշի ու դարչին ցանել:

Բարի ախորժակ:

Понравилась статья? Поделиться с друзьями: