Գեղեցիկ ու համեղ խորտիկ․ ստացվում է շատ նուրբ, ախորժելի և առաջինն է անհետանում սեղանից

Խորտիկը պատրաստելու համար անհրաժեշտ է ընդամենը 15 րոպե։ Այն ստացվում է սուպեր-համեղ և շատ գեղեցիկ տեսք ունի։

Պատրաստեք ձեր ընտանիքի համար, նրանց միանշանակ դուր կգա։

Անհրաժեշտ բաղադրիչներ․

  • 200գ ծովախեցգետնի ձողիկներ
  • 100գ պինդ պանիր
  • 2 ձու
  • 1 պճեղ սխտոր
  • մի քանի գդալ մայոնեզ
  • սամիթի կամ մաղադանոսի փոքր կապ
  • աղ, պղպեղ

Պատրաստման եղանակ․

Առաջին հերթին եփել ձուն։ Եփել 7-10 րոպե՝ եռալու պահից սկսած։ Երբ եփվի, դատարկել եռման ջուրը և սառը ջուր լցնել, որ ավելի արագ սառեն և հեշտ մաքրվեն։

Մանր քերիչով անցկացնել ծովախեցգետնի ձողիկները։ Ավելի հեշտ կլինի քերել, եթե դրանք թեթևակի սառած լինեն։

Ծովախեցգետնի քերուկը բաժանել 3 մասի․ 1 մասը դնել մի կողմ, իսկ մեծ մասը լցնել խորը տարայի մեջ։

Ձուն մաքրել և անցկացնել նույն քերիչով։ Պանիրն էլ քերել, և միացնել ձվի և ծովախեցգետնի ձողիկների հետ։

Մանր կտրատել կանաչին։

Ճզմել սխտորը և երկու գդալ մայոնեզ ավելացնել։Համեմել աղով ու պղպեղով։

Դրանից հետո թրջել ձեռքերը և անցնել ստացված զանգվածից գնդիկներ ձևավորելուն։

Պատրաստի գնդիկները թաթաթել մնացած քերուկի մեջ։

Այժմ կարող եք մատուցել։

Բարի ախորժակ։

 

Понравилась статья? Поделиться с друзьями: