Առաջին անգամ ընկերուհուս տանը փորձեցի այս աղցանը, կոչվում է «Կորիդա»… խորհուրդ ենք տալիս պատրաստել

Վերջերս ընկերուհուս տուն էի գնացել, ինձ մի աղցան հյուրասիրեցին: Այնքան դուրս եկավ, որ խնդրեցի բաղադրատոմսը: Բոլորին խորհուրդ եմ տալիս պատրաստել, միանշանակ դուր կգա բոլորին:

Անհրաժեշտ բաղադրիչներ.

  • 300գ լոլիկ
  • 200գ եգիպտացորեն
  • 100գ հալած պանրիկ
  • 200գ ծովախեցգետնի ձողիկներ

Չորահացի համար.

  • 4 կտոր բատոն
  • 2 պճեղ սխտոր
  • 40-60գ ձիթայուղ

Պատրաստման եղանակ.

Վերցնել նշված քանակությամբ լոլիկ, հանել սերմերն ու կտրատել խորանարդիկների: Աղցանի համար ցանկալի է վերցնել պինդ լոլիկներ: Մանրացրած լոլիկները լցնել քամիչի մեջ, որ ավելորդ հեղուկը դուրս գա: Այս կետը չի կարելի բաց թողնել:

Ծովախեցգետնի ձողիկները կտրատել ձողիկների: Դրանից հետո անցնել չորահացի պատրաստմանը: Բատոնի կտորները խորանարդաձև կտրատել, թխել ջեռոցի մեջ կամ տապակել թավայի մեջ: Ավելացնել ձիթայուղը, ճզմած սխտոր, ցանկության դեպքում մանրացրած կանաչի և ձեր սիրելի համեմունքները: Կարող եք գնել նաև պատրաստի չորահաց:

Մայոնեզին ավելացնել մանրացրած սխտոր:

Այժմ սկսել հավաքել աղցանը: Լցնել շերտեորվ, յուրաքանչյուր շերտին մայոնեզ քսել:

Աղցանի շերտերը լցնել հետևյալ հերթականությամբ.

  • լոլիկ
  • ծովախեցգետնի ձողիկներ
  • եգիպտացորեն
  • մանր քերած պանիր
  • չորահաց

 

Բարի ախորժակ:

Понравилась статья? Поделиться с друзьями: